„Многу е едноставно: ако ги оданочи бразилските производи, ќе има реципроцитет“, рече Лула на прес-конференција во Бразилија.
Тој додаде дека би сакал да има взаемна почит меѓу него и Трамп како двајца демократски избрани лидери.
Трамп рече дека повисоките царини за увоз во САД се начин да се поттикне домашната индустрија, но и да се принудат другите земји да ги прифатат барањата на Вашингтон, вклучително и барањата поврзани со производството и миграцијата.
Претходно оваа недела, Трамп ѝ се закани на Колумбија со високи царини откако претседателот на земјата Густаво Петро првично одби да дозволи слетување на американскиот воен авион со илегални имигранти.
Петро се спротивстави на американскиот однос кон имигрантите, од кои некои наводно биле врзани со лисици, пишува Трибјун.
Откако двајцата лидери разменија тарифни закани, Петро се повлече, дозволувајќи летовите да продолжат, а Трамп воведе тарифи кон други земји, вклучувајќи ги Кина, Мексико и Канада.
© Vecer.mk, правата за текстот се на редакцијата
