Американскиот министер за трговија Хауард Лутник потврди дека Белата куќа нема да воведе царина од 50 отсто за канадскиот челик и алуминиум, пренесува ЦБС Њус.
Потврдата дојде откако високиот трговски советник на администрацијата на Трамп, Питер Наваро, објави токму таков исход.
Наваро им рече на новинарите пред Белата куќа дека промената на одлуката дојде откако премиерот на Онтарио Даг Форд го повлече планот за воведување доплата на електрична енергија, за која Наваро рече дека може да предизвика проблеми.
„Мислам дека Даг Форд сфати дека ова не е борба за која вреди да се бориме“, рече Наваро, додавајќи дека ги повика канадските власти „да ја ублажат реториката“.
Да потсетиме, американскиот претседател Доналд Трамп најави дека САД ќе ги удвојат тарифите за челик и алуминиум на 50% за Канада поради одлуката на канадската покраина да воведе давачка од 25% за извозот на електрична енергија во САД. Но, премиерот на Онтарио Даг Форд ја суспендираше таа одлука и најави разговори во Вашингтон.
И покрај повлекувањето на двојниот тарифен план, постојните царини од 25 отсто за канадскиот челик и алуминиум ќе останат на сила и ќе стапат на сила во среда, потврди Лутник.
