Со неколку стотици партнерски ресторани и трговци на мало и мрежа од неколку десетици курирски партнери глобално познатата компанија за испорака „Волт“ (Wolt), стартува со работа во земјава.
Од таму посочуваат дека по лансирањето во Скопје, планираат своите услуги да ги прошират и во други македонски градови.
Клиентите сега можат да нарачуваат од врвни ресторани, кафулиња, супермаркети и продавници на мало преку апликацијата „Волт“, која веќе е достапна за преземање на епл и андроид уреди, но може да се нарачува и преку веб-страницата.
Од доставувачот гарантираат дека испораките пристигнуваат во просек за 30 минути, а клиентите може да го следат движењето на своите нарачки во реално време.
„Возбудени сме да го преставиме 'Волт' во Северна Македониjа. Скопjе е динамичен град со богата култура на храна и зголемена побарувачка за дигитални решениjа. Нашата цел е да поставиме нови стандарди за брза испорака, ефикасност и задоволство на клиентите“, вели генералниот директор на „Волт“ за Македониjа и Србиjа, Ѓорѓе Давидовиќ.
Тој нагласува и дека сервисот ќе им помогне на локалните бизниси да растат и да создаваат нови можности за работа, со пристап до поголема база на клиенти.
За доставувачите, „Волт“ нуди флексибилни можности за заработка, овозможуваіки им да работат според свој распоред, а истовремено да имаат корист од транспарентен и правичен систем на плаќање.
.webp){kind=icon}
