Киншаса, 2 април 2025 (МИА) – Конгоскиот претседател Феликс Чисекеди им ја ублажи смртната казна на тројца Американци осудени за учество во неуспешниот обид за државен удар во главниот град на земјата Киншаса минатата година.

Чисекеди ја преиначи казната од смрт во доживотна, изјави неговата портпаролка Тина Салама.

Помилувањето дојде откако властите во Конго потпишаа договор за минерали со САД во замена за безбедносна поддршка за помош на Киншаса во борбата против бунтовниците во нејзиниот источен регион.

Оваа одлука беше донесена по преговорите меѓу владата на Конго и САД во кои Вашингтон бараше дозвола за ископување руди во замена за помош за владата на Конго која се бори против бунтовниците.

Шест лица беа убиени за време на минатогодишниот неуспешен обид за пуч, предводен од лидерот на опозицијата Кристијан Маланга.

Маланга беше убиен додека се спротивставуваше на апсењето, набргу откако во живо го пренесувал нападот на своите социјални мрежи, соопшти војската.

Синот на Маланга (21), Марсел Маланга, кој е државјанин на САД, беше меѓу Американците осудени за учество во заговорот.

Марсел Маланга пред судот изјави дека неговиот татко го присилил него и пријател од училиште да учествуваат во нападот.

- Татко ми ни се закануваше дека ќе нè убие ако не ги послушаме неговите наредби, рече Маланга на судењето. јт/

Фото: МИА архива