• Саше Љолес
Женската фудбалска репрезентација до 19 години успешно ги започна претквалификациите за Европското првенство откако денес славеше со минимални 1-0 (0-0) над соодветната селекција на Литванија.
Македонија победи со автоголот на Јотвиле Сабаите, која ја затресе сопствената мрежа во првата минута од судиското надополнување, со што нашата селекција ги освои првите три бода во петтата квалификациска група.
Избраничките на селекторот Астрит Мерко ќе одиграат уште два натпревари, каде најпрво на четврти април ќе се соочат со Ерменија, а три дена подоцна излегуваат на мегдан со домаќинот на турнирот, Хрватска.
