Снаодлив човек смисли генијален трик за да го врати изгубениот паричник на вистинскиот човек
Еден човек што нашол нечиј паричник стана вирален откако смисли генијален начин да осигура дека изгубениот паричник ќе заврши во вистинските раце. Наместо да остави обичен контакт, тој направи шифрирана порака што само вистинскиот сопственик може да ја дешифрира.
Во својата објава на Reddit, тој објасни дека оставил порака покрај паричникот. Наместо директен телефонски број, ставил математичка равенка. Само оној што го изгубил паричникот можел да го реши проблемот.
Во пораката напишал дека треба да се додаде датумот на раѓање од личната карта на бројот „030532468“. Кога ќе се направи оваа пресметка, ќе се добие неговиот телефонски број. Вистинскиот сопственик потоа можел да го исконтактира и да си го врати паричникот.
Човекот додал дека ќе го чека сопственикот само до понеделник. Ако никој не се јави, паричникот ќе го предаде во полиција. Ова дополнително ја зголемило итноста да се реши загатката.
Тој објасни дека ја добил идејата од YouTube видео за криптографија – техниката на кодирање и декодирање информации така што само вистинската личност може да ги разбере. Корисниците се согласија дека вакви идеи треба да станат почеста практика.
Коментирај анонимно