„ВЛАДАТА ДА ЗАСТАНЕ НА СТРАНА НА РАБОТНИЦИТЕ“: ССМ во среда излегува на протест
Објавено во: Економија 31 Март, 2025 17:57
Сојузот на синдикатите на Македонија в среда ќе одржи јавна седница на органите и телата на ССМ и органите и телата на синдикатите здружени во ССМ, која ќе почне од пред Работнички дом во 12:05 часот.
Учесниците ќе продолжат до Собранието, Стопанската комора и Владата каде ќе продолжи одржувањето на седницата од која ќе се упатат пораките „Не може да има за пратениците, а да нема за работниците!“, „Подадената рака на работникот денес, може лесно да стане стисната тупаница утре!“ и „Не може да се одлучува за нас, без нас!“.
Како што информира денеска ССМ, јавната седница е по одлука на Претседателството на ССМ од 28 март годинава со цел да се изрази јавното мислење поради остварување на социјални и економски интереси за заштита на работничките права и правото на слобода на здружување и синдикалното организирање.
- Пратениците во Собранието избрани од работниците да го предложат и гласаат предлогот на ССМ за дополнително зголемување на минималната плата за 6.000 денари, како и зголемување на сите останати плати во приватниот сектор со зголемувањето на минималната плата. Да не гласаат Закони со кои се намалуваат работничките права на штета на работниците, онака сложно како што не гласаат Закони за намалување на нивните привилегии - се вели во соопштението.
Според ССМ, газдите од Стопанската комора да ја прифатат подадената рака на работниците за зголемување на платите со цел задржување на квалификуваните работници во земјава поради тоа што, како што наведуваат, најмалку 15.000 работници и граѓани ја напуштаат Македонија секоја година, па доколку не се зголемат платите, тие ќе бидат главниот виновник за егзодус на работниците од Македонија.
- Владата да застане на страна на работниците, да престане да одлучува еднострано на штета на работниците, да го почитува социјалниот дијалог и да ги запре нападите кон синдикатите и обидите да се замолчат работниците. Владата како најголем работодавач, да ги зголеми платите на вработените во јавниот сектор согласно Општиот колективен договор за јавен сектор, гранските колективни договори, колективните договори на ниво на работодавач, како и да ги усогласи со минималната плата согласно посебните закони, стои во соопштението од ССМ.
Можеби ќе ве интересира
НАПРАВЕНА Е ПРЕСМЕТКА: Колку пари би требало да исплатат САД за купување на Гренланд?
ПОРАСТ НА ЖИВОТНИОТ СТАНДАРД ОД 2014 ГОДИНА НАВАМУ: Македонија е меѓу најслабите во регионот
КАФЕТО СТАНУВА СЛАТКО ЗАДОВОЛСТВО: Цената на „арабика“ е повисока за 70 отсто
ЛЕТ ДУБАИ-СКОПЈЕ: Николоски договара отварање на најмалку два лета
ЗАВРШИ ГРЕЈНАТА СЕЗОНА, НО СКОПЈАНИ, НЕ СТРАВУВАЈТЕ - ако надвор е ладно, ќе има топли радијатори се до 30 април
Мицкоски и останата владина делегација во посета на емиратот Шарџа
ОД ПЕТОК ЌЕ ИМАМЕ УВИД ВО ЦЕНИТЕ: Маркетите, аптеките и продавниците за техника и мебел ќе мора да ги објавуваат цените на прозводите на нивните веб страници
„ИЗГЛЕДА И ТРАМП РАЗБРА“: американските автомобили не се целосно американски
ЦАРУВААТ МАКЕДОНСКИТЕ БАНКИ, КОНКУРИРААТ КОМУНИКАЦИИ, ЦЕМЕНТ И ЛЕКОВИ - како лани се правеа најголемите профити на Берзата
