На 14 март во Крива Паланка се случува голема еколошка катастрофа при што заради пукање на цевка, во водите на Крива Река од рудникот Тораница се излева тогаш сеуште неидентификувана сива маса.
Државниот инспекторат за животна средина истиот ден излегува на терен, но место да постапи по службена должност и земе примероци од водата во Крива Река за да ги даде на понатамошно испитување во акредитирана лабораторија, тој само констатира дека цевката е заменета а дефектот саниран. Згора на тоа, ДИЖС во соопштението со ‘ВАЖНО УКАЖУВАЊЕ’ ги обвинува за ширење на дезинформации сите кои алармираат на опасноста од оваа голема еколошка катастрофа. Да не дојдеме до забуна – ДИЖС не е кратенка од лице за односи со јавноста на рудникот Тораница или некое друго рударско лоби, туку од Државен инспекторат за ЖИВОТНА СРЕДИНА!
Ден потоа, градоначалникот на Крива Паланка сомневајќи се во постапувањето на инспекторите, зема примероци од водата и ја дава на испитување во акредитирана лабораторија, која по десетина дена истражување констатира дека водата во Крива река е сериозно загадена и претставува опасност за животот и здравјето на луѓето, со неверојатно зголемени концентрации на штетни материи, десеткратно зголемено присуство на олово, за стотици пати на цијанид, зголемена pH и концентрации на фосфор, азот и останати тешки метали! Тоа е она кое треба да се знае за функционирањето на институциите кои по Устав и Закон се должни да го штитат животот и здравјето на граѓаните на Република Македонија.
Пред неполн месец на Телма гледав една дебата помеѓу еден наш еко активист и еден мајмун – лобист на рударското лоби кој продаваше басни за еколошко рударство во Македонија, тврдеше дека екологистите го кочеле напредокот на државава и се закануваше со кривични пријави. Нека оди сега во Крива паланка да држи трибина за еколошко рударење.
Edit: Сега читам дека од двајцата инспектори кои биле во контрола, едниот бил поранешен вработен во рудникот, а на другиот жената му работела во истиот овој рудник. Неверојатно!
ФБ став на Гоце Тасевски