Временска прогноза
Викендов вистинска пролет, утринските температури ќе бидат над нулата – ова се најновите метео вести

Во петок и во сабота (31 јануари, и 1 февруари) во Македонија ќе имаме преодно и краткотрајно стабилизирање на времето, со многу повеќе сончеви периоди, како и со повремено слаб до умерен ветер претежно од северен правец.
Особено во ноќните и во утринските часови по котлините повторно ќе има појава на магла и на ниска облачност.
И во Скопскиот регион во овие два дена ќе имаме стабилно, суво време со многу повеќе сончеви периоди, а во котлината, особено во ноќните и во утринските часови ќе има појава на магла и на ниска облачност.
Наутро речиси насекаде во Македонија температурите ќе бидат позитивни, односно над нулата, а преку денот тие ќе бидат значително натпросечни за овој период од годината и ќе се искачуваат во интервалот од 8 до 17 степени, додека во Скопје температурата ќе се искачи до околу 16 степени, информира Славчо Попоски.
Временска прогноза
Од недела нашата територија ќе биде изложена на нов ладен и влажен бран, ова се информациите

Во недела на 2 март нашата територија повторно ќе биде зафатена од нов ладен и поголем влажен бран кој ќе услови пообилни врнежи кои во градовите ќе бидат претежно од дожд, додека на повисоките места и на планините (до околу 1000 метри надморска височина) врнежите ќе бидат од снег.
Снежната граница, особено во северните и во северозападните предели се очекува да се спушти и под 1000 метри, па така, појава на повремен снег во овие предели ќе има и во дел од повисоките населени места. Сето ова ќе биде проследено со повремено засилен ветер од северен и од северозападен правец, најизразен Долж Повардарието.
И во Скопскиот регион со овој ладен и влажен бран од север ќе има врнежи од дожд, а на околните планини врнежите ќе бидат од снег. Не се исклучува можноста послаби врнежи од снег во недела на 2 март да има и во дел од повисоките предели од котлината. Повремено и во Скопје ќе дува засилен ветер од северен правец.
Што се однесува до температурите, тие во недела на 2 март позначителнои ќе опаднат и максималните дневни температури ќе се искачуваат во интервалот од 3 до 10 степени, информира Славчо Попоски
Временска прогноза
До петок стабилно време, викендот пред нас ќе има услови за повремен локален слаб дожд

Во периодот кој што е пред нас, односно до петок (28 февруари) во нашата Република Македонија ќе имаме променливо време со повремени локални послаби врнежи од дожд, додека на планините и на Скијачките центри повремено ќе провејува снег. Ќе биде релативно тивко и без некој изразен ветер, а во утринските и повторно во ноќните часови ќе има услови за појава на магла по котлините.
Слично време ќе имаме и во Скопскиот регион, променливо и со услови за појава на магла наутро и повторно во ноќните часови. Ќе има услови и за повремен локален послаб дожд.
Што се однесува до температурите, тие наутро на повеќе места ќе бидат околу, или за неколку степен над нулата, а само на високите места, планините и на Скијачките центри тие ќе бидат за неколку степени под нулата. Максималните дневни температури пак до петок (28 февруари) ќе бидат повисоки и ќе се искачуваат во интервалот од 8 до 13 степени, додека во југоисточните предели температурата повремено ќе се искачува и до околу 15 степени.
И во Скопје температурата овие денови ќе се искачува до околу 15 степени.
За време на викендот, односно на први и на втори март ќе дува засилен ветер од северен правец и истиот ќе услови значително заладување на времето, пообилни врнеи од дожд, кој полека ќе преминуваат во снег, најпрвин на Скијачките центри, планинските места и повисоките населени места, потоа и во дел од градовите, особено во западните и во северните предели од нашата Македонија, информира Славчо Попоски
Временска прогноза
Студот ќе попушти, ќе имаме магла и услови за слаби врнежи од дожд и од снег следната седмица!

Во текот на следната седмица, односно во периодот од 24 февруари (понеделник), па до 2 март (недела) студот во Македонија ќе попушти и температурите ќе бидат повисоки, како наутро, така и преку ден, но не се работи за некое многу големо затоплување. Исто така, во текот на следната седмица ќе имаме и значително повеќе облачност и претежно тивко време и без некој изразен ветер.
По котлините пак за време на овој период, ќе се создаваат услови за појава на магла и на ниска облачност, која ќе биде најизразена во ноќните и во утринските часови. Но мора да напоменам дека, повремено во овој период ќе има и слаби локални врнежи, кои на ниските места ќе бидат од дожд, а на повисоко, како и на планинските места, секако, и на Скијачките центри ќе има слаби врнежи од снег.
Повремено, снежната граница би можела да се спушти и во дел од градовите, па не се исклучува можноста и во градовите повремено да има појава на слаби врнежи од дожд и од снег, или влажен снег.
И во Скопскиот регион не очекува слично време како и во останатите предели од државава.
Што се однесува до температурите, тие наутро ќе се спуштаат во интевалот од -4 до 3 степени, додека преку ден тие ќе се искачуваат во интервалот претежно од 3 до 13 степени. Во Скопје пак максимумот на температурата во текот на следната седмица ќе се искачува до околу, а према средината и во вториот дел од истата таа ќе надминува 10 степени. Наутро пак таа ќе се спушта до околу, повремено и за некој степен под нулата, а од средината на следната седмица таа и наутро ќе биде претежно над нулата, информира Славчо Попоски.
-
Хроника1 ден
На регионалниот пат Битола-Прилеп според информациите камион прегазил човек кој им подлегнал на повредите
-
Хороскоп1 ден
Хороскоп за четврток (27 февруари)
-
Македонија14 часа
(ФОТО) МВР откри и одзеде поголема количина на прехранбени производи во близина на Танушевци
-
Временска прогноза24 часа
Од недела нашата територија ќе биде изложена на нов ладен и влажен бран, ова се информациите
-
Магазин12 часа
Еве кои Samsung телефони први ќе го добијат ажурирањето на One UI 7
-
Спорт13 часа
ФФМ најостро ги осудува злонамерните напади насочени кон претседателот Омерагиќ и претседавачот на комисијата за делегирање на судии Бартон
-
Спорт1 ден
Ги имаме полуфиналистите во „Купот на Македонија“ во фудбал
-
Автомобили1 ден
Продажбата на автомобили во ЕУ падна на почетокот на годината