Менаџерот на Манчестер Јунајтед, Рубен Аморим инсистираше на тоа дека не му било дадено многу време да ги сврти работите во клубот откако тимот доживеа нов пораз во Премиер лигата – овој пат од Нотингем Форест, објави Ројтерс.
Успехот за домаќините дојде преку раниот гол на поранешниот напаѓач на Јунајтед, Ентони Еланга, по што „црвените ѓаволи“ го запишаа 13-тиот пораз во сезоната во Премиер лигата.
Тоа го донесе тимот на еден од рекордот – 14, поставен во сезоната 2023-2024, со тимот на 13-то место во поредокот, а Аморим се бори да ги направи промените што ги бара.
„Во Манчестер Јунајтед немате време. Немам време, мора брзо да дејствуваме“, предупреди Португалецот.
„Притисокот понекогаш е превисок овде. Примивме гол на почетокот на натпреварот и му дозволивме на Нотингем да се чувствува удобно – да се брани со повеќе играчи затоа што имаат брзи играчи со кои ги прават транзициите во играта“, додаде тој.
„И покрај тоа, добро ја контролиравме играта, особено во вториот дел. Притиснавме, но повторно не бевме доволно добри во последната третина“, додаде тренерот.
Самиот Алехандро Гарначо упати 6 од 24-те удари на Манчестер Јунајтед кон голот, но покажа недостаток на ефикасност.
„Тој прави сè, се труди. Понекогаш има денови кога правиш сè на вистински начин, но пред голот не си доволно добар и не успеваш. Најважно ми е што кога требаше да се врати и да брани, го направи тоа. Се разбира, сакаме да биде играч кој игра еден на еден. Понекогаш претерува“, рече Аморим за Аргентинецот.