Екипите кои се борат за место во Лигата на шампионите извојуваа победи во вечерашните средби од англиската Премиер лига.
Славеа Манчестер сити, Њукасл и Астон вила, три кандидати за четвртото и петтото место кои ќе водат во европската елита за следната сезона.
Граѓаните со голови на Грилиш и Мармуш беа подобри од Лестер, за кого ова е седми пораз по ред. Њукасл со 2-1 го совлада Брентфорд. Првиот гол го даде Исак, негов 20-ти сезонава (по 10 дома и на гости), а вториот беше ремек-дело на Сандро Тонали. Неверојатниот гол на Тонали погледнете го ТУКА. Астон вила предводена од јануарските принови Рашфорд, Асенсио и Мален, со три гола во второто полувреме славеше кај Брајтон со 3-0.
Ипсвич ги задржа теоретските шанси за опстанок по изненадувачката вечерашна победа од 2-1 на гости кај Борнмут, а спас ќе нема за последнопласираниот Саутхемптон, кој прими гол за 1-1 со Кристал палас.
