• Саше Љолес
Иако уште не се познати сите детали околу новото кошаркарско натпреварување кое ќе го организираат НБА лигата и ФИБА, познато е кој ќе биде заштитно лице и промотор во првите години од формирањето.
Се работи за славниот Шпанец, Пау Гасол, кој ја прифатил понудата и најверојатно ќе ја извршува функцијата на спортски директор, а воедно ќе учествува и на бројни промотивни настан ширум светот.
Според досегашните информации, новото натпреварување ќе стартува од сезоната 2026/27 и во него треба да учествуваат екипи од четири или пет континенти (Европа, Америка, Азија, Африка и можеби Австралија).
Со Гасол на чело, новата лига би покажала голема сериозност и намера да го преземе приматот во Европа, особено ако легендарниот кошаркар го потврди преземањето на оваа одговорна улога.