Жота го реши градското дерби, Ливерпул чекор поблиску до пехарот во Премиер лигата (ВИДЕО)

Фудбалерите на Ливерпул им се вратија на победите и тоа во Премиер лигата каде вечерва ја добија градската пресметка со Евертон со 1-0.

„Црвените“ имаа два болни порази од ПСЖ и Њукасл во ЛШ и Лига Купот, па ова беше можност да се покаже дека истите биле само лоша епизода, слабост, а и да испратат јасна порака дека што побрзо сакаат да ја потврда титулата во домашниот шампионат.

Избраниците на Слот триумфираа минимално, ама доволно и тоа благодарение на погодокот на Диого Жота во 57 минута.

Ливерпул сега има 73 бода или 12 повеќе од Арсенал на 8. кола до крајот на натпреварувачката 2024/2025.