Бизнис
САД ЈА ПРОШИРИ ЦРНАТА ЛИСТА ЗА КОМПАНИИ ЗА ИЗВОЗ НА ЧИПОВИ
26.03.2025
Администрацијата на САД на својата црна листа за извоз додаде нови кинески технолошки компании. Управата за индустрија и безбедност во Министерството за трговија во САД ја дополни листата со 80 компании, а повеќе од 50 се од Кина, за кои се забранува американските компании да ги снабдуваат со чипови без дозвола од владата.
Компаниите се ставени на црната листа поради наводно делување во спротивност до американската национална безбедност и на интересите на американската политика. Намерата е да се ограничи Пекинг во пристапот на високата технологија во информатиката, со која може да се обработува големо количество на податоци со голема брзина, како и за примената на квантната технологија.
Неколку кинески компании биле ставени на листата поради нивна вмешаност во развојот на напредната вештачка интелегенција, суперкомпјутерите и АИ чипови со високи перформанси за воена намена, соопштија од Министерството за трговија, пренесува Сеебиз.
фото freepic