• Горан Упале
Премиерлигашот Арсенал од денес има нов спортски директор, а тоа е Андреа Бертa, кој оваа функција ја извршуваше во Атлетико Мадрид во последните 14 години.
Италијанецот е најзаслужен за формирањето на шампионскиот Атлетико Мадрид. Тимот од шпанската престолнина освои две титули во Примера во 2014 и 2021 година, а Бертa заедно со тренерот Диего Симеоне учествуваа во доведувањето на сите играчи.
„Арсенал е голем клуб и за мене е привилегија што ми е доверено да работам за ваков исклучителен спортски тим. Го гледав развојот на клубот во последните години и одушевен сум од начинот на кој функционира. Нестрплив сум, возбуден и едвај чекам да почнам да работам", изјави Бертa.
Челниците на „топчиите“ нагласија дека долго време сакале да го ангажираат Бертa и дека неговото доаѓање на „Емирати“ го означува почетокот на нова ера во работењето на клубот.
„Секој кој е одреден период во фудбалот знае кој е Бертa и кои се неговите квалитети. Тој е некој кој има исклучително знаење, е целосно посветен на она што го работи и уверени сме дека со него ќе успееме да постигнеме уште подобри резултати. Сакаме да му посакаме добредојде во нашето семејство и да се надеваме дека ќе се чувствува како дома", изјави потпретседателот на клубот Џош Кроенке.
Арсенал и оваа сезона најверојатно ќе остане без трофеј на домашно тло, додека во Лигата на шампионите го чека четвртфинален двомеч со Реал Мадрид.
