1-ва Скопска - МТМ Телевизија

Шпанската кралица Летиција привлече внимание уште првиот ден кога се појави како свршеница на тогашниот престолонаследник Филип. За нејзиниот физички изглед може да се пишува со денови, со оглед на тоа дека таа изгледа речиси исто веќе 20 години.

Не е невообичаено Летиција да не воодушеви со модно издание, понекогаш дури и се осмелува да облече нешто што не е баш типично за кралското семејство, но никогаш не наиде на критики.

Дури и во центарот на големите скандали, Летиција остана одмерена и воздржана, а нејзиниот изглед секогаш привлекува внимание.

Сепак, за нејзината совршена фигура е задолжен тренингот и исхраната. Познато е дека кралицата сака теретана, каде што редовно тренира, но и следи одредена диета. Се наведува дека Летиција е верна на диетата Периконе.

Што е диетата Периконе?
Оваа диета ја создал д-р Николас Периконе, а во неа се препорачува храна богата со антиоксиданси.

Самата диета трае 28 дена и е многу рестриктивна, па некои експерти не ја препорачуваат.

Треба да јадете храна богата со антиоксиданси, вклучувајќи зелен лиснат зеленчук, шарен зеленчук, маслиново масло, риба, јајца, јаткасти плодови, а има и листа на забранети намирници.

Што е забрането?

леб

тестенини

ориз

путер

пченка

алкохол

маргарин

компир

шеќер

кафе

црвено месо

банани

тиква

лубеница

морков

Во секој случај, пред да започнете каква било диета, треба да се консултирате со лекар, бидејќи тоа не мора да значи дека нешто ќе биде ефективно за вас, особено ако се работи за една од овие ригорозни диети.