Москва, 4 април 2025 (МИА) - Русија ги консолидира своите стратешки односи со хунтите во Сахел за да се зацврсти во регионот, напиша Институтот за проучување на војната (ИСВ) на својата веб-страница.

Тинк-тенкот со седиште во Вашингтон потсетува дека министрите за надворешни работи на Буркина Фасо, Мали и Нигер - Унијата на Сахелијанските држави - вчера и денеска се во посета на Москва на средба со нивниот руски колега Сергеј Лавров. Ова се првите сесии од „консултациите меѓу Унијата на Сахелијанските држави и Русија“.

Во заедничката изјава што ја објавија, Русија и трите африкански земји рекоа дека средбата имала за цел да воспостави стратешки односи во области од заеднички интерес, истакна Институтот за проучување на војната. Американските аналитичари го дефинираат сојузот во Сахел како стратешки проект за Русија кој им служи на нејзините цели да го премести Западот во Африка и повторно да се наметне како голема сила.

Во последниве години, Буркина Фасо, Мали и Нигер, кои се поранешни француски колонии, забележаа антизападни воени удари. Хунтите кои ја презедоа власта во трите земји одржуваат блиски односи со Русија. мс/

фото: МИА архива