• Саше Љолес
Селекторот на турската кошаркарска репрезентација и тренер на Панатинаикос, Ергин Атаман, ги демантираше гласините дека Американецот Кендрик Нан ќе го облече дресот на националниот тим.
Деновиве се шпекулираше дека Нан би можел да заигра за Турција на претстојното Европско првенство, но Атаман веднаш ги отфрли овие наводи.
„Турција има еден важен натурализиран кошаркар, а тоа е Шејн Ларкин. Во моментов не ја разгледуваме опцијата за ангажман на друг играч. Нан е неверојатен и неговиот квалитет е неспорен, но сега нема ништо да менуваме“, изјави селекторот.
Кендрик Нан игра извонредна сезона во Евролигата и просечно бележи 20,8 поени, 3,6 скока и 4,2 асистенции по натпревар.
