Трговијата на мало се намали во еврозоната на почетокот на оваа година, при што падот во јануари означи четири месеци без раст на продажбата во овој сектор.
Продажбата на мало се намалила за 0,3% во еврозоната и за 0,2% во Европската унија, во јануари 2025 година во однос на декември 2024 година, објави денеска Евростат, што е послабо од прогнозите на економистите за благ пораст.
Земји-членки со најзначајни зголемувања во продажбата на мало на месечно ниво се: Словенија (2,3%), Унгарија (2,2%) и Холандија (1,6%), Норвешка (1,1%) и Полска (0,8%).
Од земјите кои се не се членки, Еуростат измерил висок пораст на обемот на трговијата на мало во С.Македонија од 2,7% во јануари во однос на декември минатата година, додека на годишно ниво, обемот на трговијата на мало во јануари бележи пад од 0,1%.
Годишно, во јануари 2025 година во однос на јануари 2024 година, продажбата на мало е зголемена за 1,5% во еврозоната и за 1,6% во Европската унија.
Земјите-членки со најзначајни зголемувања во продажбата на мало на годишна основа се Луксембург (11,4%), Бугарија (8,1%) и Португалија (5,3%), Унгарија (4,6%) и Хрватска (4,4%)
Некои економисти очекуваат закрепнување на потрошувачката оваа година бидејќи Европската централна банка ги намалува каматните стапки и дополнително се намалува инфлацијата.
ЕЦБ се очекува да ја намали својата основна стапка за петти по ред состанок подоцна во четврток.
Мерачот на довербата на потрошувачите во еврозоната се зголеми во февруари, и покрај тоа што остана на пониски нивоа, при што испитаниците покажаа помал песимизам за економските изгледи.
Сепак, падот на продажбата на мало во јануари го зголемува впечатокот дека економијата на еврозоната ја започна 2025 година на слаба основа.
Извор: Eurostat
