• Саше Љолес
Црните прогнози околу ситуацијата со Ерлинг Халанд и лошите вести за Манчестер Сити полека се потврдуваат од повеќе релевантни извори.
Според информациите на англиските медиуми, Норвежанецот може да отсуствува скоро до крајот на тековната сезона, што значи дека проблемите за тренерот Пеп Гвардиола се зголемуваат уште повеќе.
Халанд доживеа повреда на левиот зглоб за време на мечот од ФА Купот против Борнмут, а потоа беше забележан како на патерици го напушта стадионот. Дополнителните прегледи покажале дека напаѓачот ќе мора да паузира најмалку триесет дена, a ова го потврди и познатиот фудбалски „инсајдер“, Фабрицио Романо.
Манчестер Сити во моментов е петтопласиран на табелата со 48 бода и води грчевита битка за пласман во Лигата на шампионите следната сезона. Халанд сезонава досега постигна триесет голови во сите конкуренции, од кои 21 се во Премиер лигата.
