Популарната апликација за пораки „Ватс ап“ WhatsApp денеска се соочи со голем прекин, поради што стотици корисници не можеа да се поврзат, да испраќаат пораки или да остваруваат повици, и преку мобилната апликација и преку веб-верзијата.
Социјалните медиуми се преплавени со извештаи од корисници кои пријавуваат тешкотии со „Ватс ап“. Најчестите наведени проблеми се проблеми со испраќање пораки, неуспешно воспоставување врска и дефекти на повици.
Според податоците од веб-страницата Довндетектор, која го следи статусот на дигиталните услуги, забележано е нагло зголемување на поплаките од корисниците. Само во Индија се регистрирани повеќе од 900 пријави, од кои 90% се однесуваат на неможноста за испраќање пораки. Останатите извештаи вклучуваат проблеми при поврзување со серверите и општи технички тешкотии.
Техничкиот тим на „Тајмс оф Индија“ потврди дека и тие имале проблеми со користење на апликацијата „Ватс ап“ и веб-платформата за време на пишувањето на овој извештај.
На глобално ниво, околу 1.000 корисници пријавиле слични тешкотии – 91% од нив навеле проблеми со испраќање пораки, 6% со функционирањето на самата апликација, додека 3% од корисниците изјавиле дека не можат да примаат пораки.