And Just Like That - третата сезона ветува модна екстраваганција

Ќе се сложите дека модните изданија на главните актерки од And Just Like That веднаш би ве привлекле доколку сте вљубеници во модата, дури и да не сте запознаени со приказните кои досега ги понуди продукцијата на серијата која е вид продолжение на познатата "Сексот и градот".

И откако официјално започна снимањето на третата сезона, која би се очекувала да биде премиерно прикажана во 2025-та година, вниманието веднаш ни го привлекоа омилените девојки од Менхетен. Исто како и во претходната тв серија "Сексот и градот", и во продолжетокот And Just Like That се вбројуваат многу екстравагантни и луксузни креации, а многу од нив и со печатот на познати дизајнери.

Во продолжение ви прикажуваме некои од најубавите изданија кои ги видовме на сетовите од снимањето на третата сезона, а се надеваме на уште повпечатлива мода до официјалната премиера.

Фото: Getty Images