Спорт
Сабаленка лесно ја победи Бадоса, Киз спаси меч топка и ја победи Швјонтек

Араина Сабаленка и Медисон Киз ќе се борат за трофејот на Австралија опен. Бранителката на титулата, Сабаленка во полуфиналето лесно се справи со Паола Бадоса, додека Киз по голема борба ја совлада Ига Швјонтек.
Најдобрата светска тенисерка во првото полуфинале ја совлада Паола Бадоса во два сета, за 90 минути резултатот беше 6:4, 6:2.
Шпанката имаше подобар старт во своето прво Грен слем полуфинале и откако спаси брејк во првиот гем, направи брејк во вториот гем. И тука некаде завршија нејзините надежи дека може да ја победи првата носителка.
Следуваше рибрејк, а потоа експресен брејк на следниот сервис на Бадоса, кога Сабаленка целосно го сврте мечот во своја полза. Вториот сет беше само формалностл. Сабаленка лесно стигна до двојна брејк предност, а потоа ја заврши работата на свој сервис, користејќи ја првата од трите меч топки.
Ова беше нејзина 33. победа во последните 34 натпревари на тврда подлога и ќе игра петто последователно финале на Грен слем кој се игра на бетон. Трет по ред во Австралија.
Американката Медисон Киз, десетина минути по полноќ, по локално време го оствари најголемиот успех во кариерата. Спаси меч топка, а потоа супер тај-брејкот го доби со 10:8
Киз, 19.носителка во Мелбурн, по два ќаса и 28 минути, ја победи втората фаворита со 5:7, 6:1, 7:6.
Фестивал на брејкови беше виден во првиот сет, вкупно седум. Последниот го направи Швјонтек во 12 гем и го освои сетот.
Во вториот, Киз ја декласира противничката и препушти само еден гем, по што изедначи на 1.1.
Драмата кулминираше во третиот сет. Киз пропушти брејкт топка во вториот гем, а потоа две во седмиот гем. Швјонтек не реализираше четири брејк топки во деветтиот гем.
Сепак тенисерката од Полска успеа во 11. гем да и го одземе сервисот на противничката. Во 12. дојде до меч топка, кој Киз ја спаси, поточно Швјонтек и ја подари со дупла сервис грешка. Откако Киз изедначи на 6:6 се влезе во супер тај-брејк.
Таму, Швјонтек константно имаше предност до 7:6, од тој момент Киз освои четири од последните пет поени и се пласира во финалето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Поранешен европски шампион застрелан во ресторан во Белград

Познатиот германски боксер и европски шампион, Марио Дасер (36) е ранет во пукотница во Белград.
Престрелката се случила утринава околу 4 часот на улицата „Кнез Данилова“, а со Марио бил и М.А.(31), кој исто така бил ранет. Дежурниот обвинител на Вишото јавно обвинителство Броград е на лице место и води истрага во полиција.
„Се трага по две засега непознати лица кои утринава околу 4 часот пукале кон оштетените на улицата Кнез Данилова“.
Дасер е роден на 14 април 1989 година во Хамбург. Во рингот влегол на 16 години.
Тој постигна голем број победи на импресивен начин со нокаутирање на противникот во првата рунда. Има импресивен учинок на 14 професионални натпревари – 14 победи, од кои седум со нокаут.
Паралелно со спортот, неговата популарност се шири, како поради неговите достигнувања, така и поради неговиот стил и начин на живот. На социјалната мрежа Инстаграм го следат над 770.000 луѓе.
Спорт
Фитипалди: Норис е главен фаворит за титулата

Двократниот шампион во Формула 1, Емерсон Фитипалди, изјави за „Спорт клуб“ дека неговиот поранешен тим Мекларен врши одлична работа и дека можат да ја освојат титулата во конкуренција на возачите оваа година.
Бразилецот, кој ја освои титулата со Мекларен во 1974 година, откако ја освои круната две сезони порано како возач на Лотус, беше еден од шампионите кои присуствуваа на спектакуларното отворање на новата сезона во Формула 1, во „О2 арена“ во Лондон.
Претстојната сезона го означува крајот на актуелната ера на Формула 1, а многумина пред почетокот на првенството предвидуваат дека ќе биде најнеизвесно во последните години. Што се однесува до Фитипалди, само еден возач се издвојува како фаворит.
„Според мене фаворит е Ландо Норис. Мислам дека Мекларен прави фантастична работа во последните две години, тие се многу константно брзи и Ландо е одличен, верувам дека има големи шанси да стане шампион следната сезона“, рече Фитипалди.
Новата сезона во Формула 1 започнува со Големата награда на Австралија на 16 март.
Спорт
(Видео) Јокиќ и Мареј го решија Шарлот, Леброн и Ривс го победија Портланд

Кошаркарите на Денвер на домашен терен го совладаа Шарлот со 129:115 и со тоа го забележаа деветтиот последователен триумф во НБА.
Најефикасен во тимот на Денвер беше Џамал Мареј со 34 поени (седум тројки), додека српскиот репрезентативец Никола Јокиќ забележа 29 поени, 17 скока и девет асистенции.
Српскиот центар шутираше погоди шест тројки од 14 обиди.
Во тимот на Шарлот, за кој поради повреда не настапи Ламело Бол, најефикасен беше Мајлс Бриџис со 36 поени, 13 скока и седум асистенции.
Џош Грин додаде 19 поени, Ник Смит Јуниор 16 поени, додека босанскиот центар Јусуф Нуркиќ за 19 минути игра запиша девет поени, 10 скока и седум асистенции.
Денвер е втор во западната конференција со 37 победи и 19 порази, додека Шарлот го зазема претпоследното, 14. место на Истокот со скор 14-40.
Леброн Џејмс го победи Портланд без Лука Дончиќ. ,Леброн во Орегон постигна 40 поени, помиш доби од Остин Ривс (32 поени). Портланд го предводеше Дени Авдија со 28 поени. Во следниот натпревар Лејекрси гостиваат во Денвер, во тимот е најавен Дончиќ.
Резултати:
Индијана – Мемфис 127:113
Филаделфија – Бостон 104:124
Атланта – Орландо 108:114
Бруклин – Кливленд 97:100
Њујорк – Чикаго 113:111 пр.
Милвоки – ЛА Клиперс 116:110
Денвер – Шарлот 129:115
Сан Антонио – Феникс 120:109
Портланд – ЛА Лејкерс 102:110