ekran платформа за слободоумни
– Баба Ванга предвиде серија разорни земјотреси ширум светот во 2025 година
– Бугарската пророчка исто така предвидела војна во Европа, глобална економската криза и голема еколошка катастрофа
Во текот на изминатата недела, серија разорни земјотреси погодија различни делови на светот, а многумина сега веруваат дека покојната бугарска пророчица Баба Ванга била во право кога предвидела земјотреси низ целата планета во 2025 година.
„Нострадамусот на Балканот“, како што ја нарекуваат, предвидела разорни земјотреси и конфликти во Европа. Пред да почине во 1996 година, Баба Ванга, тврдат нејзините следбеници, точно ги предвидела терористичките напади од 11 септември, смртта на принцезата Дијана и подемот на Кина на светската сцена. Сега, по катастрофалните земјотреси што ги погодија Мјанмар и Тајланд, нејзините предвидувања изгледаат застрашувачки точни.
Во Мјанмар, според досегашните извештаи, повеќе од 2.000 луѓе загинале по земјотресот со јачина од 7,7 степени според Рихтеровата скала што ја погоди оваа земја разурната од војна. Овој настан дополнително ја продлабочи политичката и хуманитарната криза во регионот.
Воената влада на Мјанмар прогласи седумдневна национална жалост, додека Обединетите нации упатија итен апел за 6,2 милијарди фунти за помош при катастрофи.
Болниците се преполни со повредени, додека во некои делови од земјата се чувствува силна миризба од телата на жртвите, јавува Би-Би-Си.
Земјотрес го погоди и соседниот Тајланд, а последиците од земјотресот ги почувствува и главниот град Бангкок, при што животот го загубија најмалку 20 луѓе.
Земјотреси низ светот
Југоисточна Азија не е единствената погодена од оваа серија земјотреси. Во американската држава Невада вчера беа регистрирани четири земјотреси, од кои најсилниот беше со јачина од 4,0 степени. Научниците предвидуваат 27 отсто шанси за нов земјотрес со јачина од 3 степени во следната недела.
Во исто време, Тонга, островска држава на Тихиот Океан, беше погодена од земјотрес со јачина од 7,1 степени според Рихтер, што предизвикало предупредување за цунами.
Покрај земјотресите, Баба Ванга предвидела војна во Европа, глобална економска криза и голема еколошка катастрофа во 2025 година. Исто така, се шпекулира дека нејзините визии вклучувале дури и контакт со вонземјани, додека други видовити како Атос Саломе и Џошуа Гилс предупредуваат на падот на светскиот банкарски систем и порастот на вештачката интелигенција.
Мрачното предвидување на Нострадамус И францускиот пророк од 16 век, Мишел де Нотр Дам, попознат како Нострадамус, оставил пророштва кои се вклопуваат во денешните настани. Во својата книга „Les Prophéties“, Нострадамус напишал дека Англија ќе биде погодена од „сурови војни“, со непријатели одвнатре и однадвор. Тој предвидел и слабеење на моќта на западните земји и појава на нови светски сили.
Дали овие предвидувања ќе станат реалност или само шпекулации останува да видиме.
Фото: Архива
Извор: zena.blic
