СЕ БАРА МИЛЕ ТОДОРОВ ОД НЕГОТИНО - семејството моли за помош во неговото пронаоѓање

Објавено во: Македонија 31 Јануари, 2025
Апел за помош за пронаоѓање на младиот Миле Тодоров од Неготино се споделува на социјалните мрежи
28-годишниот Миле е исчезнат од 29.01.2025, а неговото исчезнување било пријавено на 30.01.2025 година, кога неговиот татко Д.Т. го пријавил во Полициска станица Неготино.
Според пријавата, Миле заминал од дома и од тој момент се нема јавено. Семејството и полицијата се во постојан контакт и преземаат мерки за неговото пронаоѓање.
Сестрата на Миле откри дека братот бил одговорен млад човек, спортист и вработен, и дека ова е првпат да се случи нешто слично. Според нејзините зборови, Миле заминал на работа во Кавадарци облечен во работничка опрема, со бело палто и црн елек.
- ВЕ МОЛИМЕ ЗА ПОМОШ !!!
СЕ БАРА МИЛЕ ТОДОРОВ од НЕГОТИНО последен пат е виден вчера во 10:30 кај Марена
Облечен е во работничко одело,бело палто и црн елек
Ве молиме ако го препознаете оваа дете да пријавите во најблиската полициска станица - објави Марија на Фејсбук.
- Брат ми вчера замина на работа во Кавадарци, облечен во работничка опрема, со црн елек врз палтото. Висок човек е, со спортска градба. Од она кое го знаеме, му кажал на газдата на компанијата во која работи дека дава оставка, разговарал смирено, а потоа заминал и веќе не знаеме ништо за него - кажа Марија за „Фокус“
Како што е посочено, Миле кај девет часот вечерта на 29ти бил забележан кај кавадаречката болница, а околу 10.30 во Марена, како пеш се движи. Претпоставка е дека пеш тргнал од Кавадарци кон Неготино.
- Со себе нема пасош, ниту пак лични документи, го носи мобилниот кој му е вклучен, но по препорака од надлежни институции не му ѕвониме, за да не му се потроши батеријата, во надеж дека ќе биде лоциран.
Ова е шок за целото семејство, синоќа нашиот татко имаше именден, брат ми требаше после работа да купи подарок. Претходниот ден се договаравме за подарокот, се беше најнормално, не забележавме ништо невообичаено во неговото однесување. Сфативме дека нешто не е во ред откако и после 17 часот не се врати дома - раскажува Марија, сестра на исчезнатото момче.
Додава дека Миле бил спортски судија и требало да суди на натпревар во кик бокс кој ќе се одржи утре. Токму поради тоа, вели дека се уште позагрижени, бидејќи тој никогаш не би го пропуштил настанот.
- Ја замолуваме јавноста, доколку има било какви информации, да се јави во полиција. Ако некој случајно го сретне, го препознае, ве молиме задржете го, пријавете во полиција. Сите сме вознемирени, не знаеме што се случило. Брат ми изгледа исто како на фотографијата, со иста фризура, висок е околу 188 сантиметри, средна градба, во работничка униформа - вели сестрата на Тодоров.
Од СВР Велес потврдија дека кај нив е пријавено исчезнувањето на момчето, и се преземале мерки за негово пронаоѓање.
Фото: Принтскрин/Фејсбук
Можеби ќе ве интересира
ФАКТОР НА ДЕНОT: СДСМ бара оставка од Кочоска, таа бара случајот со Петровска да биде затворен

ВО СКОПСКО УЧИЛИШТЕ: Родители нападнале наставничка

МИЦКОСКИ ОД ТУРЦИЈА: Советот за соработка на високо ниво е значаен чекор за односите меѓу двете држави

ПО НАВРЕДИТЕ НА КОЧОСКА КОН ПЕТРОВСКА: Гаши зборува за нов Етички кодекс во Собранието

МАКЕДОНИЈА НАПРЕДНАЛА: Според Индексот на демократија зад нас се Србија, Албанија и БиХ

НЕМА ПРИТВОР ЗА ЕКС ДИРЕКТОРОТ НА ЗАТВОРОТ „ШУТКА“, ФИЛИП АНДОВ: Одредени се само мерки на претпазливост

Димитриеска - Кочоска по преспиена ноќ: Случајот со Петровска да биде затворен
СКРОМНОСТА НА МИЦКОСКИ ПОВОД ЗА ОРТИЗ ДА ГО ИСПОФАЛИ НА ТВИТЕР: Пример за едноставност и нормалност. Браво!
