12 ПАТНИЦИ СЕ ПОВРЕДЕНИ ОТКАКО СЕ ЗАПАЛИ АВИОНОТ ВО ДЕНВЕР Моторот се запалил додека боингот се движел кон гејтот

Дванаесет лица се полесно повредени кога авион на Американ ерлајнс слета на меѓународниот аеродром во Денвер, Колорадо, и се запали, предизвикувајќи активирање на гумени тобогани за патниците да можат брзо да се евакуираат.

Летот од аеродромот Колорадо Спрингс до Далас Форт Ворт беше пренасочен кон Денвер и авионот безбедно слета вчера околу 17:15 часот, откако екипажот пријавил вибрации на моторот, соопшти американската Федерална авијација (ФАА).

– Додека авионот се движел кон гејтот, моторот на Боингот 737-800 се запалил – соопшти ФАА.

Сликите и видеата објавени во медиумите покажуваат како патници стојат на крилото на авионот додека чадот го обвива авионот. ФАА соопшти дека патниците излегле од авионот преку тобоган.

Засега не е јасно кога точно се запалил авионот.

Сите 172 патници и шест членови на екипажот се однесени на терминалот, соопштија претставници на авиокомпанијата.

Компанијата им се заблагодари на членовите на екипажот и на спасувачите за нивната брза и решителна акција, чиј приоритет беше безбедноста на сите во авионот.

Пожарникарите го изгаснале пожарот во текот на вечерта, а ФАА ќе спроведе истрага.

СЕ ЗАПАЛИ БОИНГ СО 178 ПАТНИЦИ Луѓето се извлекуваат преку крилата