Премиерот Христијан Мицкоски соопшти дека остварил телефонски разговор со американскиот државен секретар за економија, Хауард Лутник, кој веќе еднаш ја посетил Македонија и важи за долгогодишен пријател и поддржувач на земјава.
„Во духот на блиското македонско-американско партнерство, потврдивме дека нашите односи се цврсти, пријателски и исполнети со заемна доверба“, напиша премиерот на Фејсбук.
Мицкоски нагласи дека стратешкото партнерство со САД останува врвен приоритет за Владата, особено во контекст на стабилноста и економскиот напредок на регионот.
Во разговорот било потенцирано значењето на американската поддршка за стабилен и просперитетен Балкан, како и за прашањата од витално значење поврзани со економската соработка. Двајцата соговорници се согласиле да продолжат со унапредување на стратешкото и економско партнерство меѓу Македонија и САД.
