Работната саатница во ЕУ во 2024 најмногу пораснала во Хрватска

Добивај вести на Viber

Трошоците за работна сила во земјите од Европската унија варираат во голема мера - во земјата со највисока саатница таа е дури пет пати повисока отколку во земјата со најниска саатница во 2024 година. Поточно, податоците на Еуростат покажуваат дека најниските трошоци за работна сила на час се забележани во Бугарија (10,6 евра), Романија (12,5 евра) и Унгарија (14,1 евра), додека највисока е во Луксембург (55,2), Данска (50,1), и Белгија (48,2 евра).

Хрватска се најде на дното на листата со шести најнизок час - 16,5 евра. Во однос на претходната година, трошоците за работна сила на час кај оваа земја се зголемени за 2,1 евро, а од 2021 година за 4,9 евра. Така, Хрватска имала највисока годишна стапка на раст (14,2 отсто), но без оглед на тоа, секогаш е поблиску до дното отколку до врвот на скалата. Претходните четири години на врвот беше Норвешка.

Просечната саатница во индустријата лани била 33,9 евра во Европската унија и 39,8 евра во еврозоната. Во градежништвото варираше помеѓу 30 евра во ЕУ и 33,4 евра во еврозоната, додека трошоците за работна сила во услугите беа 33,3 евра во ЕУ и 36,4 евра во еврозоната. Во претежно неделовната економија (без јавната администрација), саатниците во 2024 година беа 34,2 евра и 37,5 евра, соодветно.

Покрај саатниците, другата главна компонента на трудот се трошоците што не се поврзани со платите, како што се социјалните придонеси на работодавачот - просекот на Европската унија е 24,7 проценти. Најмал удел на неплатни трошоци меѓу земјите-членки имаат Романија (4,8 отсто), Литванија (5,4 отсто) и Малта (5,8 отсто), а највисоки Франција (32,2 отсто) и Шведска (31,6 отсто).