Германската министерка за Европа и климатски прашања Ана Лирман требаше да одржи средба во Бања Лука со претставници на Партијата за демократски напредок (ПДП), која беше откажана во последен момент.
Како што изјави за „Klix.ba“ потпретседателот на ПДП, Игор Црнадак, средбата во Бања Лука не се одржала бидејќи Владата на РС ја прогласила министерката за персона нон грата и таа ја напушти земјата.
По најавата за средбата, претседателот на ентитетот на РС Милорад Додик соопшти дека повикал полиција за да ја спроведе министерката.
„Како и секој непожелен посетител, германската министерка Ана Лирман дојде во Бања Лука скришум за да се сретне со своите пулени во подрум“, рече Додик.
Потоа се запраша „на што се свела некогаш моќната Германија“.
„Очекувам дека полицијата на Република Српска наскоро засекогаш ќе ја изведе надвор од Република Српска“, рече Додик, кој беше санкциониран од Германија и има забрана за влез во земјата.