Во недела ќе има брз продор на студена воздушна маса од север, кој ќе предизвика значителна промена на времето, соопшти УХМР. Ќе преовладува претежно облачно време со врнежи од дожд, а на повисоките места од дожд и снег. На планините врнежите ќе бидат од снег и ќе се формира снежна покривка (10 до 15см). Ќе дува засилен северен ветер (над 70км/ч.) и температурите значително ќе опаднат. Во понеделник со засилен северен ветер наместа повремено ќе ...

Линеарното зголемување на пензиите за 5.000 денари на над 330.000 пензионери значи исполнување на даденото ветување, се наведува во соопштението од владината прес-служба. Како што посочуваат оттаму, со ова второ линеарно покачување од 2.500 денари се заокружи циклусот од зголемување на пензиите за 5.000 денари, со што најниската пензија во март изнесува 18.192 денари, додека просечната пензија изнесува околу 26.258 денари. -За таа цел како Влада ...

Обезбедувањето траен мир во Украина е од суштинско значење за европската безбедност и за глобалната стабилност, порача заменик генералната секретарка на НАТО, Радмила Шекеринска на неформалната средба на министрите за одбрана на земјите членки на ЕУ во Варшава. Таа повика на зајакнување на поддршка за Украина сега, но и на подолг рок, потенцирајќи дека за да се обезбеди траен мир, земјата мора да остане силна. Таа при тоа, ги поздрави ...

Американскиот претседател Доналд Трамп воведе нови царини за увоз на европски автомобили, тврдејќи дека ЕУ ги блокира американските марки од нивниот пазар, но експертите од индустријата велат дека вистинскиот проблем се самите автомобили. Трамп воведе царина од 25 отсто за увезените автомобили, тврдејќи дека додека САД увезуваат милиони европски возила, извозот на американски автомобили во ЕУ е „речиси невозможно“. Сепак, аналитичарите тврдат ...

Утрово одрон од камења и земја се урна на патниот правец Струмица-Валандово, кај селото Костурино, најверојатно предизвикан од дождовите, а сообраќајот се одвива само по една коловозна лента. Веста ја објави градоначалникот на Струмица, Костадин Костадинов на неговиот фејсбук профил од каде повика граѓаните да бидат претпазливи и внимателни. Ги повика и надлежните институции веднаш да постапат и да превенираат поголема катастрофа. Додава дека ...

Денеска попладне и во текот на ноќта, во западните, а утре во источните делови ќе има повремени врнежи од дожд, наместа пообилни (над 15 л/м2), соопшти УХМР. Во сабота ќе има услови за локална појава на нестабилност со пороен дожд, грмежи и засилен ветер. Во недела ќе има брз продор на студена воздушна маса од север и ќе има врнежи од дожд, на планините и на повисоките места од снег. Ќе дува засилен северен ветер, температурите значително ќе ...

Белата куќа подготвува проценка за тоа колку би ја чинело федералната влада да го контролира Гренланд како територија, тврдат три лица запознаени со ова прашање, пишува Вашингтон пост. Ова е досега најконкретен обид желбата на претседателот Доналд Трамп да го преземе данскиот остров да се претвори во ефективна политика. Додека барањата на Трамп предизвикаа меѓународен гнев и укор од Данска, претставниците на Белата куќа презедоа чекори во ...

Во градинка во босанското место Козарска Дубица денеска се урнал таванот, но за среќа ниту едно од децата кои биле таму не е тешко повредено, јавија локалните медиуми. Три деца се веднаш пренесени во болница, но набрзо биле пуштени дома бидејќи немале потешки повреди. Објектот е затворен и престанува со работа, соопштија властите на Република Српска. Локалната новинарка Јелена Пралица, која ја објави снимката од градинката, ја придружува ...

Студенти и членови од академската заедница на Србија тргнаа со велосипеди од Нови Сад во акција – „Тур до Стразбур“ со цел дополнително да ги информираат европските претставници за ситуацијата во Србија, која се соочува со криза по бранот протести по трагедијата на железничката станица во Нови Сад во ноември лани, јави дописникот на МИА од Белград. Со нив заминаа и новинари од неколку белградски медиуми. За патувањето студентите ќе објавуваат на ...

Претседателот Доналд Трамп во средата ги откри глобалните реципрочни царини за време на настанот во Белата куќа. Инаку, размената на Македонија со САД лани изнесувала нешто над 314 милиони долари, наспроти 320,7 милиони долари во 2023 година, што значи била помала за 2,1 отсто, покажуваат податоците на Државниот завод за статистика. Притоа, извозот од Македонија во САД лани достигнал 118,2 милиони долари, што е за 2,2 пати (220 насто) повеќе од ...

Арбен Таравари, министер за здравство и дел од Коалицијата Вреди синоќа во изјава за медиумите негираше дека ќе ја напушти владината коалиција. -Не, засега не. Работните групи меѓу пратениците се уште водат преговори, така што се надеваме дека ќе најдеме заеднички јазик. Ако не, тогаш ќе видиме како понатаму, рече синоќа Таравари во изјава за медиумите на албански јазик. Пратеничката група на ВРЕДИ работи на начинот за евентуална соработка за ...

Поради обилните врнежи од дожд на територија на град Скопје и излевањето на Маркова река, сѐ уште е затворен за сообраќај во двете насоки локалниот пат село Горно Лисиче – село Долно Лисиче, како и влезот за село Батинци во двете насоки. Од тие причини, Единицата за безбедност на патниот сообраќај презема мерки за посебен режим на сообраќајот, информираа утрово од Министерството за внатрешни работи. Секторот за внатрешни работи – Скопје апелира ...

Бугарскиот пратеник Пејков на неговиот Фејсбук профил објави каде биле распределени дел од средствата кои тој ги собра за настраданите во Кочани. Неговата објава на Фејсбук ја пренесуваме во продолжение: Драги пријатели По внимателна консултација со луѓето од Кризниот штаб во Кочани, составивме список од 18 тешко погодени семејства, на кои решивме да префрлиме по 1.500 евра од вашите донации. Од очигледни причини нема да ги спомнуваме нивните ...

На Меѓународниот аеродром во Скопје утринава ќе слета авион на нискобуџетната компанија „Изиџет“ со што официјално ќе биде означен почетокот на новата авиолинија од аеродромот „Орли“ кој се наоѓа на дваесетина километри од центарот на Париз. Од ТАВ Македонија велат дека со оваа нова авиолинија, патниците на скопскиот аеродром ќе имаат бенефит да патуваат на еден од најфреквентните аеродроми во Франција кој нуди бројни домашни и европски летови. ...

Дирекцијата за заштита и спасување информира дека по излевањето на Маркова река во општина Студеничани евидентирана е материјална штета, но нема опасност по жителите од овој крај. – Еден тим за брз одговор интервенираше со пумпи за извлекување на вода, и истите ќе интревенираат по потреба во текот на денот. Досегашните информации покажуваат дека ситуацијата е под контрола и нема опасност за жителите, освен моментално евидентирана материјална ...

Сенаторот од редовите на Демократската партија Кори Букер постави нов рекорд во американскиот Сенат, држејќи говор повеќе од 25 часа без прекин, протестирајќи против политиките на Доналд Трамп. – Се исправам овде со намера да го нарушам нормалниот тек на работа во Сенатот на САД, и ќе стојам додека сум физички способен. Се исправам вечерва, затоа што искрено верувам дека нашата земја е во криза, изјави тој вчера, на почетокот на својот ...

Пратениците дадоа поддршка за измени на Законот за пензиско и инвалидско осигурување. Со ова се укинува зголемувањето на пензиите што го вети и предложи ВМРО- ДПМНЕ со линеарно зголемување од 2.500 денари во септември и 2.500 денари со мартовската пензија. Од септември 2025 година, пензиите повторно ќе се усогласуваат 50% според индексот на трошоците на животот и 50% според порастот на просечно исплатената плата. Пратеничката од СДСМ, Јованка ...

Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и ...

Заменик-министерот за надворешни работи на Русија, Сергеј Рјабков, изјави денеска дека Москва не верува во можноста САД да се повлечат од НАТО. „Не мислам дека тоа ќе се случи“, рече Рјабков во интервју за списанието „International Affairs“. Тој оцени дека актуелната американска администрација користи „извесна доза бравура“ во својата реторика. – Мислам дека тоа е дел од вербалната стратегија за поттикнување на ‘НАТО коњот’. За САД да се ...

Владејачката воена хунта во Мјанмар денеска прогласи еднонеделна жалост по силниот земјотрес што го погоди регионот, при што загинаа повеќе од 2.000 луѓе, а речиси 300 се водат како исчезнати, а речиси 4.000 беа повредени. Минутата молчење ќе започне во 12:51 часот по локално време, точно кога се случи земјотресот во петокот, јавува Би-Би-Си. Помошта дотече во Мјанмар од целиот свет, вклучително и тимови од Русија, Кина и САД, но спасувачките ...

Mинистерството за образование и наука го објави Конкурсот за запишување ученици во прва година во јавните средни училишта за учебната 2025/2026 година. Пријавувањето на учениците ќе биде електронско преку линк до системот за електронски услуги на МОН https://euslugi.mon.gov.mk/ со посебна најава за средношколци преку сопствените кориснички сметки на schools.mk Ќе има две пријавувања во јунскиот уписен рок и едно во августовскиот. Првото ...

Наглите температурни разлики негативно влијаат врз здравјето на човекот, а според лекарите, засегнати се и хронично болните, но и работоспособните луѓе, децата, па дури и доенчињата, информираа денеска лекарите од кумановската општа болница.Температурните шокови поизразени се во пролет, отколку во есен, а повеќе ги чувствува женската популација, отколку мажите, изјави д-р Нора Господинова – Николовска, специјалист по интерни болести во општа ...

Единството во Армијата и единството во Алијансата да го преточиме во единство меѓу граѓаните и да изградиме општество кое ќе се развива од сите аспекти и ќе се прилагодува на новите предизвици со една цел, подобар, побезбеден и поквалитетен живот за сите граѓани, порача министерот за одбрана Владо Мисјаловски, на свеченоста што се одржува денеска во касарната „Илинден“ во Скопје по повод 5. годишнината од пристапувањето на Република Македонија ...

Четириесет и тројца градежни работници се водат како исчезнати откако земјотрес предизвика уривање на недовршена зграда од 30 ката во Бангкок, соопштија тајландските власти. Педесет луѓе се наоѓале во зградата во близина на паркот Чатучак, кој е стотици милји оддалечен од епицентарот на земјотресот во Мјанмар. Седуммина избегаа, додека 43 други останаа заробени, соопшти Националниот институт за итна медицина во објава на Фејсбук. Новинската ...

Летното сметање на времето почнува викендов, ноќта сабота спрема недела во 02:00 часот кога стрелките на часовникот ќе се поместат еден час напред и наместо 02:00 часот ќе биде 03.00 часот. Промената на времето кај нас, како и во повеќето европски земји, се случува двапати во годината и тоа последниот викенд во март кога почнува летното сметање на времето и последниот викенд во октомври кога почнува зимското сметање на времето. Годинава летното ...

Се уште не е познат мотивот за нападот со нож што се случи вчера во центарот на Амстердам, во кој беа повредени пет лица, а министерот за правда Дејвид ван Вел не исклучува можност дека станува збор за терористички напад. Осомничениот е во притвор, објави „НЛ Тајмс“. Инцидентот се случил вчера околу 15 часот и 15 минути во близина на плоштадот Дам, кој е едно од најпосетуваните места во Амстердам, лоциран во неговото историското јадро и опкружен ...

Со показни вежби на припадниците на Армијата денеска во касарната „Илинден“ во Скопје денеска ќе се одбележи 5. годишнината од пристапувањето на Република Северна Македонија во НАТО Алијансата. По тој повод свое обраќање ќе имаат претседателката и врховен командант на Армијата, Гордана Сиљановска Давкова, министерот за одбрана Владо Мисајловски, началникот на Генералштабот на Армијата, генерал-мајот Сашко Лафчиски и командантот на здружената ...

Најмалку едно лице загина, а 50 други се повредени откако висококатница во изградба се урна во Бангкок по силниот земјотрес што во петокот го погоди соседен Мјанмар, соопштија тајландските власти. Службите за итни случаи претходно соопштија дека 50 лица се наоѓале во зградата што се урна во паркот Чатучак по земјотресот што го погоди Мјанмар, Тајланд, а бил почувствуван и во југозападна Кина. Силен земјотрес со јачина од 7,7 степени според ...

По најавата на новите царини од 25 отсто за увезените возила што ја објави американскиот претседател Доналд Трамп, акциите на „Џенерал моторс“ паднаа за осум отсто во тргувањето по работното време, а акциите на „Крајслер“, т.е. неговата матична „Стелантис“ и на „Форд“, со коишто се тргува во САД, паднаа за по околу 4,5 отсто. Како одговор на најавената тарифа, Канада може да воведе реципрочни мерки против САД, соопшти канадскиот премиер Марк ...

Македонија денеска одбележува пет години од зачленувањето во НАТО откако на денешен ден во 2020 година стана 30-та членка на Алијансата. Со тоа, земјата реализираше една од нејзините стратешки цели која е зацртана и во Резолуцијата што Собранието ја усвои во 1993 година. По повод петгодишнината денеска во Клубот на пратеници во Скопје ќе се одржи средба на министерот за надворешни работи и надворешна трговија Тимчо Муцунски со амбасадорите на ...